სამწუხაროდ, დღევანდელი საგამოძიებო უწყებების ხელში ჩვენ არ გვაქვს იმის იმედი, რომ მოხდება ამ ტრაგედიის ჯეროვანი გამოძიება, - ეს განცხადება ოპოზიციონერმა დეპუტატმა თინა ბოკუჩავამ გალში გარდაცვლილ ირაკლი კვარაცხელიას საქმესთან დაკავშირებით გააკეთა.
„ჩვენ არაერთი საქმე გვინახავს, იქნება ეს მაჩალიკაშვილის, სარალიძის, მუხთარლის გატაცება თუ ბევრი სხვა, რომელიც ამ ხელისუფლებას, საგამოძიებო უწყებებს არ გამოუძიებიათ. ამიტომ ერთადერთი ბერკეტი საზოგადოებამ დაინახოს სიმართლე არის საგამოძიებო კომისიის შექმნა. ჩვენ ამის შესახებ მივმართეთ პარლამენტს, თუმცა ეს მოისურვა პარლამენტმა მხოლოდ ერთხელ, როდესაც საზოგადოების დიდი წნეხის ფონზე მოუწიათ ხორავას ქუჩაზე მომხდარ მკვლელობის საქმეზე კომისიის შექმნა, რომლის რეკომენდაციებიც მათ სხვათა შორის არ გაუთვალისწინებიათ", -განაცხადა ბოკუჩავამ.