ეგორ კოჩიევი - ხურვალეთში პროვოკაციის მოწყობას „ძალა ერთობაშია“-ს აქტივისტები ცდილობდნენ

ის, რაც ხურვალეთში მოხდა, იყო პროვოკაცია, რომლის მოწყობას „ძალა ერთობაშია“-ს აქტივისტები ცდილობდნენ. ამის შესახებ ერგნეთში გამართულ ინცინდენტების პრევენციისა და მათზე რეაგირების მექანიზმის შეხვედრაზე ოკუპირებული სამხრეთ ოსეთის დე ფაქტო ხელისუფლების დელეგაციის ხელმძღვანელმა ეგორ კოჩიევმა განაცხადა.

„რამდენადაც მე ვიცი, ხურვალეთში ინციდენტამდე საქმე არ მისულა. შეხვედრაზე ამაზე ვისაუბრეთ. ქართველმა და სამხრეთ ოსეთის სამართალდამცველებმა ევროკავშირის მისიის ხელშეწყობით მკაფიოდ იმუშავეს და სერიოზულ ინცინდენტამდე საქმე არ მისულა. გყავთ საქართველოში ასეთი აქტივისტი დავით ქაცარავა, რომელმაც განაცხცადა, რომ რუსული ჯარები ხურვალეთს იპყრობენ. რეალურად კი, ქართულმა ოფიციალურმა მხარემ ეს არ დაადასტურა, რომ რუსი ჯარისკაცები საქართველოს სახელმწიფოს ტერიტორიაზე იმყოფებოდნენ. ეს იყო პროვოკაცია, რომლის მოწყობას „ძალა ერთობაშია“-ს მოძრაობის აქტივისტები ცდილობდნენ. ქართველ პოლიციელებს ეს აქტივისტები დროზე რომ არ შეეჩერებინათ, საქმე ინცინდენტით დასრულდებოდა“, - განუცხადა მან ჟურნალისტებს.