სოფო კილაძე ელენე ხოშტარიას - ძალიან დიდი განსხვავებაა თქვენს და ჩვენს ხელისუფლებებს შორის - კაციშვილი არ უსმენდა არც სახალხო დამცველს და არც სხვა ვინმეს

ძალიან დიდი განსხვავებაა თქვენს და ჩვენს ხელისუფლებებს შორის. კაციშვილი არ უსმენდა არც სახალხო დამცველს და არც სხვა ვინმეს, - ამ სიტყვებით ადამიანის უფლებათა დაცვის კომიტეტის თავმჯდომარე სოფო კილაძემ „ევროპული საქართველოს“ წევრს ელენე ხოშტარიას მიმართა.

ხოშტარიამ სოფო კილაძეს ის საქმეები შეახსენა, რომელზეც გამოძიება დიდი ხანია მიმდინარეობს, მათ შორის მაჩალიკაშვილის, ხორავას ქუჩის, აფგან მუხთარლისა და „ბირჟა მაფიის“ საქმეები. ხოშტარიას თქმით, პასუხისმგებლობა სოფო კილაძესაც ეკისრება. თავის მხრივ, კილაძემ ხოშტარიას შეახსენა, რომ როდესაც გიორგი ტუღუში სახალხო დამცველის პოსტს იკავებდა, მის რეკომენდაციებს წინა ხელისუფლება არ უსმენდა.

კილაძის პასუხმა ელენე ხოშტარიას გაღიზიანება გამოიწვია, რასაც კომიტეტის სხდომაზე მცირე კამათი მოჰყვა.

„თქვენც კარგად ხედავთ, რა განსხვავებაა. ბატონი გიორგი ტუღუში დამიდასტურებს ალბათ, პარლამენტში რომ მოდიოდა, მისი სიტყვა იყო ხმა მღაღადებლისა უდაბნოსა შინა. ანუ კაციშვილი არ უსმენდა არც სახალხო დამცველს, არც სხვას არავის. ჩვენ შევცვალეთ ეს პრაქტიკა, დღეს მოდის სახალხო დამცველი და ჩვენ - პარლამენტარები, აღმასრულებელ ხელისუფლებასთან ერთად, განვიხილავთ, როგორ შესრულდა რეკომენდაციები, რომელიც სახალხო დამცველმა წარმოადგინა პარლამენტში. ჩვენ იმ რეკომენდაციების 75% გავითვალისწინეთ და ეს რეკორდული მაჩვენებელი იყო. ახლა ვუსმენთ აღმასრულებელ ხელისუფლებას ყოველგვარი კონცერტების გარეშე,“ - განაცხადა სოფო კილაძემ.

კორნელი კაკაჩია - აშშ-ში საქართველოს ხელისუფლების წარმომადგენელთა ვიზიტი საკმაოდ დაგვიანებულია, ამიტომ, არა მგონია, რომ ამ ვიზიტმა რამე შეცვალოს
ქართული პრესის მიმოხილვა 29.01.2020
მამუკა გონგაძე - ენგურის ხიდთან არ უნდა იყოს აღმართული საქართველოს სახელმწიფო დროშა
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა