ოკუპირებული აფხაზეთის დე ფაქტო მთავრობამ დადგენილება მიიღო კოდორის ხეობის ე.წ. ეროვნულ პარკად გამოცხადების შესახებ.
„კოდორის ხეობის ამჟამინდელი მდგომარეობა სავალალოა. ეს ტერიტორია არ კონტროლდება“, - განაცხადა დე ფაქტო ეკოლოგიის სახელმწიფო კომიტეტის ხელმძღვანელმა საველი ჭითანავამ.
როგორც დე ფაქტო მთავრობაში აღნიშნეს, ე.წ. ეროვნული პარკი შეიქმნება ბუნებრივი კომპლექსებისა და უნიკალური ობიექტების შენარჩუნების მიზნით.
აღნიშნული დადგენილება დე ფაქტო პარლამენტს გადაეგზავნება დასამტკიცებლად.