გიორგი ტუღუში - გახმაურებულ საქმეებზე, რომლებიც სახალხო დამცველის ანგარიშებში უკვე მეორდება, უწყებებს პასუხი არ აქვთ

გახმაურებულ საქმეებზე, რომლებიც მეორდება უკვე სახალხო დამცველის ანგარიშებში, უწყებებს პასუხი არ აქვთ", - ამის შესახებ „ევროპული საქართველოს" წევრმა გიორგი ტუღუშმა ჟურნალისტებს განუცხადა.

დღეს ადამიანის უფლებათა კომიტეტის სხდომაზე სხვადასხვა უწყების წარმომადგენლები სახალხო დამცველის რეკომენდაციების შესრულებაზე ანგარიშებს წარადგენენ. ტუღუშის განცხადებით, უწყებების წარმომადგენლებს არ აქვთ პასუხი იმ საკითხებზე, რაც რეალურად აინტერესებს საზოგადოებას.

„გუშინ ვუსმენდით ძალოვან უწყებებს და რეკომენდაციები, რომელიც ეხებოდა გახმაურებულ საქმეებს, იგივე მაჩალიკაშვილის, მუხთარლის და სხვა არაერთი საქმე, რომლებიც მეორდება უკვე სახალხო დამცველის ანგარიშებში, უწყებებს ამაზე პასუხი არ ჰქონდათ. საუბრობენ რაღაც რეკომენდაციებზე, რომელიც ნაწილობრივ ან სრულად შეასრულეს და ეხება სხვადასხვა რეგულაციის შემოღებას, გარკვეული პრაქტიკის დახვეწას, კამერების დამონტაჟებას პოლიციის განყოფილებებში, მაგრამ ის საკითხები, რაც რეალურად აინტერესებს საზოგადოებას, რომლებიც არის ე.წ. მძიმე ფაქტები, არც ერთზე დამაჯერებელი პასუხი არ ჰქონდათ. გამოვყოფ პროკურატურას, რომელიც მუდმივად საუბრობს იმაზე, რომ რაღაცას იძიებს“, - განაცხადა გიორგი ტუღუშმა.

ორი დღეა რაც ადამიანის უფლებათა დაცვის კომიტეტის სხდომაზე სხვადასხვა უწყების წარმომადგენლები საქართველოს პარლამენტის დადგენილებით გაცემული რეკომენდაციების შესრულების ანგარიშებს წარადგენენ. აღნიშნული დადგენილება პარლამენტმა 2018 წლის 19 ივლისს სახალხო დამცველის 2017 წლის ანგარიშის მიხედვით გამოსცა. დღევანდელი კომიტეტის სხდომაზე ანგარიშს წარადგენენ შემდეგი უწყების წარმომადგენლები: საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო; განათლების, მეცნიერების, კულტურისა და სპორტის სამინისტრო; რეგიონული განვითარებისა და ინფრასტრუქტურის სამინისტრო; შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი; თბილისის მუნიციპალიტეტის მერია; საქართველოს ცენტრალური საარჩევნო კომისია; საზოგადოებრივი მაუწყებელი.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია