1-ელ აპრილს, რუსეთის საგარეო საქმეთა მინისტრი სერგეი ლავროვი, მოსკოვში, ოკუპირებული აფხაზეთის დე ფაქტო საგარეო საქმეთა მინისტრს, დაურ კოვეს შეხვდება.

როგორც რუსეთის საგარეო უწყების ოფიციალურმა წარმომადგენელმა მარია ზახაროვამ განაცხადა, შეხვედრაზე მხარეები განსაკუთრებულ ყურადღებას დაუთმობენ ჟენევის დისკუსიის ფარგლებში საგარეო პოლიტიკის ჭრილში ურთიერთქმედების გაძლიერებას.

„31 მარტიდან 2 აპრილის ჩათვლით აფხაზეთის საგარეო საქმეთა მინისტრი მოსკოვს სამუშაო ვიზიტით ეწვევა. 1-ელ აპრილს მოლაპარაკებების ფარგლებში მხარეები განიხილავენ ორმხრივი ურთიერთობების აქტუალურ საკითხებსა და ასევე აფხაზეთის საერთაშორისო პოზიციების გაძლიერების თემას“, - განაცხადა მარია ზახაროვამ.