გიორგი ქობულია - საკრედიტო-საგარანტიო მექანიზმის ბიუჯეტი 20 მლნ ლარია და მოთხოვნის შესაბამისად, 2020 წელს შესაძლოა, გაიზარდოს

საკრედიტო-საგარანტიო მექანიზმის ბიუჯეტი 20 მილიონი ლარია და მოთხოვნის შესაბამისად, ის შეიძლება გაიზარდოს, - ამის შესახებ მთავრობის სხდომის დასრულების შემდეგ ეკონომიკის და მდგრადი განვითარების მინისტრმა გიორგი ქობულიამ განაცხადა.

"ჩვენ შევიმუშავეთ და მივიღეთ გადაწყვეტილება საკრედიტო-საგარანტიო მექანიზმის დანერგვასთან დაკავშირებით, რომელიც 1-ელი აპრილიდან ამოქმედდება. ყველაფერი გაკეთებულია, ბანკებთან მოლაპარაკებები დასრულებულია და დღეს მთავრობის გადაწყვეტილებაც მიღებულია. ეს არის მნიშვნელოვანი ინიციატივა, რადგან ის გამიზნულია მცირე და საშუალო ბიზნესის მხარდაჭერისთვის და ეს ინიციატივა მისცემს საშუალებას საშუალო ბიზნესს, ვისაც არ აქვს საკმარისი ქონება, რომ ბანკში ჩადოს, აიღოს ეს სესხი. ეს ეხება სესხის ოდენობას 50 ათასი ლარიდან ორ მილიონ ლარამდე. 70% ამ სესხის უზრუნველყოფილი იქნება სახელმწიფოსგან. სესხი შეიძლება იყოს ათწლიანი, ანუ, საკმაოდ ხანგრძლივი. ვიმედოვნებთ, რომ ეს ინიციატივა დამატებით ბიძგს მისცემს საშუალო და მცირე ბიზნესის განვითარებას. ამ პროგრამის ბიუჯეტი არის 20 მილიონი ლარი, რომელიც ჩადებულია წელს და თუ ჩვენ დავინახეთ მეტი მოთხოვნა, 2020 წელს გავზრდით ამ ბიუჯეტს" ,- განაცხადა გიორგი ქობულიამ.

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა