ვენეციის კომისიის წარმომადგენლებთან შეხვედრები პარლამენტში ხვალ დილიდან გაიმართება.
ვენეციის კომისიის ექსპერტთა ჯგუფთან შეხვედრების მთავარი თემა უზენაესი სასამართლოს მოსამართლეების არჩევის წესი და მასთან დაკავშირებით მომზადებული საკანონმდებლო ინიციატივები იქნება.
პარლამენტში პირველი შეხვედრა პარლამენტის თავმჯდომარე ირაკლი კობახიძესთან გაიმართება. ვენეციის კომისიის ექსპერტები ასევე შეხვდებიან პარლამენტში წარმოდგენილ ყველა პოლიტიკურ ჯგუფს და ასევე, დამოუკიდებელ დეპუტატებს.