ჭავჭავაძის გამზირზე უბედური შემთხვევის ადგილი გეოლოგებმა დაათვალიერეს. ილიაუნის დედამიწის შემსწავლელი მეცნიერებათა ინსტიტუტის გეომორფოლოგის თქმით, გეოლოგიურ პრობლემას ადგილი არ აქვს.

“შეიძლება ითქვას, რომ აქ არანაირ გეოლოგიურ პრობლემასთან საქმე არ გვქონია.ამ მხვრივ ადგილობრივი მოსახლეობა უნდა იყოს მშვიდად. რაც მოხდა, ჩვენს სფეროს არ ეხება“, - განაცხადა გეომორფოლოგმა ლაშა სუხიშვილმა.

ჭავჭავაძის გამზირზე მიწის ჩამოშლის შედეგად 25 წლის მუშა დაიღუპა. 40 წლის მამაკაცს ამ დრომდე ეძებენ. ადგილზე მუშაობს 30 მეხანძრე-მაშველი. მომხდართან დაკავშირებით, შინაგან საქმეთა სამინისტრომ გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.

იხილეთ ვიდეო: რა თქვეს გეოლოგებმა, როცა ჭავჭავაძეზე ტრაგედიის ადგილი დაათვალიერეს