ვენეციის კომისიის წარმომადგენლები უზენაესი სასამართლოს მოსამართლეების შერჩევის კრიტერიუმებთან დაკავშირებით საპარლამენტო უმრავლესობის შემუშავებულ კანონპროექტს გაეცნობიან და აღნიშნულ საკითხზე პარლამენტში მთელი დღის განმავლობაში შეხვედრებს გამართავენ.
ამ წუთებში ვენეციის კომისიის წარმომადგენლებს პირველი აუდიენცია პარლამენტის თავმჯდომარე ირაკლი კობახიძესთან აქვთ.
მოგვიანებით კომისიის წარმომადგენლები შეხვედრებს გამართავენ საპარლამენტო უმრავლესობის, ფრაქცია "ნაციონალური მოძრაობის", "პატრიოტთა ალიანსის და სოციალ-დემოკრატების“, ასევე, პარლამენტის დამოუკიდებელ წევრებთან და ფრაქცია "ევროპული საქართველოს" წარმომადგენლებთან.
როგორც მმართველ გუნდში აცხადებენ, კანონპროექტის მეორე მოსმენით განხილვა ვენეციის კომისიის დასკვნის მიღებამდე არ მოხდება. ამასთან, როგორც უმრავლესობის წევრები ირწმუნებიან, ვენეციის კომისიის რეკომენდაციებს გაითვალისწინებენ.