ნუკრი ქანთარია სერგო რატიანს - მე თქვენგან განსხვავებით გამოჩენილი ადამიანი ვარ - პროკურორს ნუ თამაშობ, თავის გამოჩენა აქ საჭირო არაა

განათლებისა და მეცნიერების კომიტეტის სხდომაზე, სადაც განათლების ზოგადი კანონის მესამე მუხლიდან სიტყვა ლიბერალურის ამოღებაზე მსჯელობენ, კანონპროექტის ინიციატორ ნუკრი ქანთარისა და „ევროპული საქართველოს“ წევრ სერგო რატიანს შორის დაპირისპირება მოხდა.

რატიანი დაინტერესდა რაში არ ეთანხმება ქანთარია მოქმედ რედაქციას და შესთავაზა ლექსიკონის მოტანა, სადაც სიტყვა ლიბერალურს ის განმარტება აქვს, როგორადაც ქანთარია განმარტავს.

„სერგო ახლა პროკურორს ნუ თამაშობ. თავის გამოჩენა აქ საჭირო არაა“, - მიმართა ქანთარიამ რატიანს, რაზეც რატიანმა შემდეგი შინაარსის პასუხი გასცა: „ბატონო ნუკრი, თქვენ უკვე გამოიჩინეთ თავი, თან ძალიან უცნაურად“.

„მე თქვენგან განსხვავებით გამოჩენილი ადამიანი ვარ, დრამატულ წრეში ნუ გგონია თავი. ბავშვობაში ხარ გადასული“, - უპასუხა ქანთარიამ.

შეგახსენებთ, საკანონმდებლო ორგანოში “ზოგადი განათლების შესახებ” კანონიდან სიტყვა ლიბერალურის ამოღებაზე მსჯელობენ. კანონპროექტი დეპუტატების, ალექსანდრე ქანთარიასა და გენადი მარგველაშვილის მიერ არის ინიცირებული. კანონპროექტის თანახმად ცვლილება ზოგადი განათლების შესახებ საქართველოში კანონის მესამე მუხლში ცვლილების შეტანას გულისხმობს. როგორც ქანთარიამ განმარტა „ლიბერალიზმი ეს დღეს აღარ არის აზროვნების თავისუფლება ეს არის ინსტინქტების თავისუფლება, „რაც მე მინდა“, „რაც მე მსურს“ უკონტროლობის ხიასიათი მიიღო. ეს უკვე არის პოლიტიკური ფილოსოფია“.

ნათია თურნავა - ყველა წინაპირობაა, რომ 2021 წელი წარმატებული წელი იყოს
ქართული პრესის მიმოხილვა 22.05.2020
ზაალ ანჯაფარიძე - საკონსტიტუციო პროცესის ბოიკოტირება ოპოზიციას პოლიტიკურად დააზიანებს და გააძლიერებს განცდას, რომ ისინი არჩევნებისთვის კი არა, არაკონსტიტუციური ქმედებისთვის ემზადებიან
რატომ არ უნდა დავუბრუნდეთ ძველ “ნორმალურ” ცხოვრებას
Wolt - კვლავ ღამის 3 საათამდე