ვიმედოვნებ, რომ ჟენევის დისკუსიებზე ჩვენი წინადადება ძალის გამოუყენებლობის დოკუმენტის მომზადების შესახებ დადებით იმპულსს მიიღებს, - ამის შესახებ ჟენევის დისკუსიებზე ოკუპირებული სამხრეთ ოსეთის ე.წ. დელეგაციის ხელმძღვანელმა მურატ ჯიოევმა განაცხადა.

შეგახსენებთ, რომ ჟენევის დისკუსიების მორიგი რაუნდი დღეს იწყება და ორი დღის განმავლობაში გაგრძელდება.

„სამხრეთ ოსეთი ყოველთვის მზად არის კონსტრუქტიული მუშაობისთვის ჟენევის დისკუსიების ფარგლებში და იმედოვნებს, რომ ჩვენი წინადადებები ჟენევის დისკუსიების ეფექტურობის გაუმჯობესების კუთხით დადებით იმპულსს მიიღებს. პირველ რიგში ეს ეხება ძალის გამოუყენებლობის შესახებ იურიდიულად სავალდებულო დოკუმენტის მომზადებასთან დაკავშირებულ საკითხებს“, - განაცხადა მურატ ჯიოევმა.