არჩილ თალაკვაძე ოპოზიციას - ფარული ჩანაწერები რატომ არსებობსო - ბატონებო, ეს ყველაფერი არის თქვენი შექმნილი

ფარული ჩანაწერები რატომ არსებობსო - ბატონებო, ეს ყველაფერი არის თქვენი გაკეთებული, თქვენი შექმნილი, - ასე მიმართა უმრავლესობის ლიდერმა არჩილ თალაკვაძე პოლიტიკურ ოპონენტებს ფარული ვიდეო ჩანაწერების საქმის გამოძიების კომენტირებისას.

მისივე თქმით, ერთადერთი, რაც ახლა ხელისუფლებას შეუძლია, აღნიშნულ საქმეებზე სწრაფი რეაგირებაა.

„ამ დღეებში არაერთხელ მოვისმინეთ უსირცხვილო, უტიფარი განცხადებები ოპოზიციის მხრიდან, იმ ხალხის მხრიდან, რომლებმაც უკანონოდ შექმნეს ათასობით ასეთი ჩანაწერი, უკანონოდ შეინახეს და უკანონო არხებით ავრცელებდნენ. დღეს ეს ადამიანები მოდიან და მხრების აჩეჩვით გვეკითხებიან - ეს ფარული ჩანაწერები რატომ არსებობსო?! ბატონებო, ეს ყველაფერი არის თქვენი გაკეთებული, თქვენი შექმნილი და ხელისუფლების, „ქართული ოცნების“ მმართველობის პერიოდში რაც ჩვენ შეგვიძლია, არის სწრაფი და სამართლებრივი რეაგირება ყველა იმ შემთხვევაზე, როცა ასეთი ჩანაწერები შესაძლოა, ვინმემ გაავრცელა და ატვირთა. თუ დააკვირდებით, არც ერთი ასეთი ჩანაწერი ჩვენი დაკვეთით და ჩვენი ხელისუფლების პერიოდში არ ყოფილა. მე მინდა ეს კარგად გახსოვდეთ, ჩვენს ოპონენტებს ეხებათ ეს“, - განაცხადა არჩილ თალაკვაძემ.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს