ყაზბეგსა და თელავის მუნიციპალიტეტის სოფელ წინანდალში სამორინეს მოწყობა მოსაკრებლის გარეშე იქნება შესაძლებელი. საქართველოს მთავრობის დადგენილების თანახმად, აღნიშნულ ტერიტორიებზე სამორინეს მოწყობის მსურველები სანებართვო მოსაკრებლის გადახდისგან თავისუფალი იქნებიან. შესაბამისი დადგენილება მთავრობამ 29 მარტს გამოსცა.
2012 წლის დადგენილების თანახმად, რომელშიც მთავრობამ ცვლილებები შეიტანა, მოსაკრებლისგან მხოლოდ ყაზბეგის მუნიციპალიტეტში სამორინეს მოწყობა თავისუფლდებოდა.
ცნობისთვის, სამორინეს მოსაწყობად სანებართვო მოსაკრებელი 5 მილიონ ლარს შეადგენს.