თავდაცვისა და უსაფრთხოების კომიტეტის თავმჯდომარის ირაკლი სესიაშვილის განცხადებით, ნატო-ს მინისტერიალის ფარგლბში საქართველო როგორც პოლიტიკურ, ისე სამხედრო ნაწილში მხარდაჭერის მოლოდინშია.

მისი თქმით, ნატო-ს საიუბილეო მინისტერიალი 4 აპრილს გამართება, სადაც მოწვეულები არიან მხოლოდ წევრი ქვეყნები,თუმცა ყველაზე მაღალი რანგის ღონისძიებებში მონაწილეობას საქართველოს დელეგაციაც იღებს.

"თავისთავად ცხადია, რომ ჩვენ ამას მივესალმებით. ნატო-ს გენერალური მდივანი სულ რამდენიმე დღის წინ იყო საქართველოში,ასევე იყო სამხედრო კომიტეტი. ხაზგასმით აღინიშნა, რომ ნატო-სთვის შავი ზღვის უსაფრთხოების კონცეფცია არის პრიორიტეტი. შესაბამისად, საქართველოსთან თანამშრომლობაც სხვა, მაღალ დონეზეა აყვანილი. ამიტომ, ცხადია, რომ ამ პროცესში ჩვენ ველოდებით მეტ მხარდაჭერას,როგორც პოლიტიკური თვალსაზრისით, ისე სამხედრო ნაწილში", - განაცხადა სესიაშვილმა.