ლევან იზორია - „ჯაველინების“ სისტემა უკვე სრულად შევისყიდეთ და საქართველოშია

საქართველოს თავდაცვის მინისტრის, ლევან იზორიას განცხადებით, „ჯაველინების“ სისტემა უკვე საქართველოშია. ამის შესახებ ლევან იზორიამ პარლამენტის პლენარულ სხდომაზე „მინისტრის საათის“ ფარგლებში სიტყვით გამოსვლისას განაცხადა.

იზორიას ინფორმაციით, დაახლოებით 50 მილიონი ლარი წელს შვეულმფრენების რემონტისა და მოდერნიზებისთვის დაიხარჯება.

„დავიწყეთ ტანკსაწინააღმდეგო თანამედროვე სისტემის შესყიდვა. „ჯაველინების“ სისტემა უკვე სრულად შევისყიდეთ და სრულად არის საქართველოში. ჩვენ ასევე წელს გამოვყავით 23 მილიონი და ანალოგიური თანხა იქნა გამოყოფილი ამერიკის შეერთებული შტატებიდან შვეულმფრენების რემონტისა და მოდერნიზებისთვის. ანუ ეს თანხა დაახლოებით 50 მილიონი ლარია“, - განაცხადა იზორიამ.