ირაკლი სესიაშვილი - სულ უფრო აქტუალური ხდება საქართველოს ნატო-ში გაწევრიანების თემა

საქართველოს პარლამენტის თავდაცვისა და უშიშროების კომიტეტის თავმჯდომარის ირაკლი სესიაშვილის განცხადებით, სულ უფრო აქტუალური ხდება საქართველოს ნატო-ში გაწევრიანების თემა.

როგორც სესიაშვილმა ნატო-ს საიუბილეო მინისტერიალის შემდეგ, იენს სტოლტენბერგის მიერ გაკეთებული საქართველოს მხარდამჭერი განცხადების შეფასებისას აღნიშნა, ჩვენი არჩევანი არის მშვიდობა, უსაფრთხოება, სტაბილურობა და ქვეყანა ამ გზას არ გადაუხვევს.

„თქვენ ხედავთ, რომ ძალიან ინტენსიურია ჩვენი პარტნიორობა და თანამშრომლობა ნატო-სთან. სულ უფრო აქტუალური ხდება საქართველოს ნატო-ში გაწევრიანების თემა. ასევე ვხედავთ, სამწუხაროდ, რუსეთის არალოგიკურ რეაქციებს, მაგრამ ჩვენ, ჩვენს ხალხთან ერთად გვაქვს არჩევანი გაკეთებული, ეს არჩევანი არის მშვიდობა, უსაფრთხოება, სტაბილურობა და თავისთავად ცხადია, რომ ჩვენ ამ გზას არ გადავუხვევთ",- განაცხადა სესიაშვილმა.

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ