სამოქალაქო აქტივისტი გიგა მაქარაშვილი რუსული ოკუპაციის წინააღმდეგ აქციას იწყებს. მაქარაშვილი 47 დღის განმავლობაში მთელ საქართველოს ფეხით შემოივლის, თარიღები კი სიმბოლურად შეარჩია - 9 აპრილიდან 26 მაისამდე. სიმბოლურია მარშრუტის დაწყების და დასრულების ლოკაციებიც - გორი-ზემო სვანეთი.
სამოქალაქო აქტივისტი აცხადებს, რომ რუსული ოკუპაციის წინააღმდეგ მიმართულ მორიგი აქცია-მსვლელობა ერთგვარი დამოუკიდებლობის მარშია.
,,არ გაჩერდე საქართველო" - ამ სახელწოდების აქციით, მაქარაშვილი საქართველოს ყველა რეგიონის შემოვლას აპირებს. მის მარშრუტში 50-მდე ქალაქი და 400-მდე სოფელი შედის.
სამოქალაქო აქტივისტი სტარტს 9 აპრილს, დილით, გორის მუნიციპალიტეტის მერიის მიმდებარე ტერიტორიიდან აიღებს.