უკრაინის საკითხში აშშ-ს სახელმწიფო დეპარტამენტის სპეციალურმა წარმომადგენელმა კურტ ვოლკერმა განმარტა, თუ რატომ უნდა მისცენ ხმა უკრაინელებმა საპრეზიდენტო არჩევნების მეორე ტურში პეტრო პოროშენკოს.

„არის კანდიდატი, რომელიც ამბობს, რომ არსებული სისტემის და მოქმედი პრეზიდენტის მოწინააღმდეგეა. თავის მხრივ მოქმედი პრეზიდენტი ამბობს, რომ ბევრი იმუშავა, ბევრს მიაღწია და კიდევ ბევრი აქვს გასაკეთებელი. ახლა უკრაინელ ხალხს არჩევანის გაკეთება მოუწევთ. სურთ თუ არა მათ ის, ვინც უბრალოდ სისტემის წინააღმდეგ გამოდის და ფართო რეფორმებს პირდება თუ სურთ ის, ვინც მათ იმედები გაუცრუა გარკვეულწილად, თუმცა გაცილებით მეტი რეფორმები გაატარა, ვიდრე ვინმეს ოდესმე გაუტარებია უკრაინაში ბოლო ოცი წლის განმავლობაში და ვინც პუტინს უპირისპირდებოდა?“ - განაცხადა კურტ ვოლკერმა PBS-სთვის მიცემულ ინტერვიუში.

აღსანიშნავია, რომ ჟურნალისტის დამაზუსტებელ კითხვას, გულისხმობს თუ არა ის უკრაინის მოქმედ პრეზიდენტს პეტრო პოროშენკოს, კურტ ვოლკერმა დადებითად უპასუხა.