კობა გვენეტაძე - მამუკა ხაზარაძეს მცირე ტექნიკური დეტალი გამორჩა, ჯარიმები ეხებოდა ორ აბსოლუტურად სხვადასხვა შემოწმებას

ფინანსური მონიტორინგის 2018 წლის 7 აგვისტოს წერილის საფუძველზე, ეროვნულმა ბანკმა თემატური შემოწმება ჩაატარა, სადაც დადგინდა, რომ „თიბისი ბანკმა“ ფინანსური მონიტორინგის სამსახურს არ მიაწოდა ინფორმაცია მონიტორინგის დაქვემდებარებული გარიგების ორი შემთხვევის შესახებ, რის გამოც, ის 10 000 ლარით დაჯარიმდა, - ამის შესახებ, ეროვნული ბანკის დირექტორმა, კობა გვენეტაძემ პარლამენტის სესიაზე განაცხადა.

მან აღნიშნულით, ირაკლი მეზურნიშვილისა და ირაკლი კოვზანაძის კითხვებს გასცა პასუხი და განმარტა, თუ რის გამო დაჯარიმდა „თიბისი ბანკი“.

„ბატონ ხაზარაძეს მცირე ტექნიკური დეტალი გამორჩა, ეს ჯარიმები ეხებოდა ორ აბსოლუტურად სხვადასხვა შემოწმებას, რომლითაც, სრულიად განსხვავებული მიზნობრიობა ჰქონდათ ფინანსური მონიტორინგის 2018 წლის 7 აგვისტოს წერილის საფუძველზე, ეროვნულმა ბანკმა თემატური შემოწმება ჩაატარა, სადაც დადგინდა, რომ „თიბისი ბანკმა“ ფინანსური მონიტორინგის სამსახურს არ მიაწოდა ინფორმაცია მონიტორინგის დაქვემდებარებული გარიგების ორი შემთხვევის შესახებ, რის გამოც ის 10 000 ლარით დაჯარიმდა. ამავე შემოწმებისას გამოიკვეთა ინტერესტთა კონფლიქტის მარეგულირებელი კანონმდებლობის შესაძლო დარღვევის ფაქტები, რასაც შემდგომი შემოწმება მოჰყვა. 2018 წლის 13 სექტემბერს, დაიწყო მეორე თემატური შემოწმება, რომელიც ფოკუსირებული იყო ბანკის მიერ ინტერესთა კონფლიქტის მარეგულირებელი კანონმდებლობის შესრულების შესწავლაზე და შემოწმების სახით დადასტურდა, 2008 წელს განხორციელებული ტრანზაქციებით ინტერესტთა კონფლიქტის მარეგულირებელი კანონმდებლობის უხეში დარღვევის ფაქტები. სწორედ, ეს გახდა, 1.01 მილიონი ლარის ჯარიმის მიზეზი, ასე რომ, აქ არანაირი აღრევა არ ყოფილა“, - განაცხადა გვენეტაძემ.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ  გააცნობიეროს - თუ სწორად მოექცევა, ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა