ირაკლი კოვზანაძე „თიბისი ბანკზე“ - ეროვნულ ბანკს ალტერნატივა არ ჰქონდა და მან საკუთარი მოვალეობა შეასრულა

მიმაჩნია, რომ ეროვნულ ბანკს და მის პრეზიდენტს დამოუკიდებლობა არ დაუკარგავს - ეროვნულ ბანკს ალტერნატივა არ ჰქონდა და მან საკუთარი მოვალეობა შეასრულა, - აღნიშნული განცხადება “თიბისი“ ბანკზე“ საუბრისას პარლამენტის საფინანსო-საბიუჯეტო კომიტეტის თავმჯდომარემ ირაკლი კოვზანაძემ გააკეთა.

“ეროვნული ბანკის პრეზიდენტი არის მაღალი კვალიფიკაციის ადამიანი და ცდილობს, რაც შეიძლება მეტი გააკეთოს. რა უნდა ექნა ეროვნულ ბანკს?! მან მიიღო წერილი ფინანსური მონიტორინგის სამსახურიდან და ის მოქმედებები ჩაატარა, რაც უნდა ჩაეტარებინა. ეროვნულ ბანკს სხვა ალტერნატივა არ ჰქონდა - მას საკუთარი ვალდებულებები უნდა შეესრულებინა“, - განაცხადა ირაკლი კოვზანაძემ პარლამენტის პლენარულ სხდომაზე.

კოვზანაძემ აქვე განმარტა, რომ საზედამხედველო ფუნციების შესრულება ეროვნული ბანკის ვალდებულებაა.

პლენარულ სხდომაზე ეროვნული ბანკის პრეზიდენტის კობა გვენეტაძის მოსმენა მიმდინარეობს. განხილვის მთავარი თემა “თიბისი ბანკთან“ დაკავშირებით ეროვნული ბანკის მიერ მიღებულ გადაწყვეტილებები და ასევე, საცალო დაკრედიტების შესახებ ამოქმედებული რეგულაციებია.

ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ
ქართული პრესის მიმოხილვა 25.05.2020
ნათია თურნავა - ყველა წინაპირობაა, რომ 2021 წელი წარმატებული წელი იყოს
თემურ ჩუბინიძე - ჩვენი მეშახტეები გმირები არიან
უძრავი ქონების პლატფორმა Livo სამშენებლო კომპანიებს უფასო კონსულტაციას გაუწევს
"ავერსი" მომხმარებელს ახალ პროექტს - "სააფთიაქო თაროს" სთავაზობს
„ევრონიუს საქართველო“ საცდელ მაუწყებლობას იწყებს