„საერთაშორისო გამჭვირვალობა - საქართველოს“ მიერ ჩატარებული საზოგადოებრივი აზრის კვლევამ აჩვენა, რომ გამოკითხულთა უმრავლესობას (96%) სმენია 2017 წლის დეკემბერში ხორავას ქუჩაზე მომხდარი მკვლელობის შესახებ.
ამავე დროს, გამოკითხულთა 84%-ის აზრით, ე.წ.ხორავას ქუჩის საქმე სამართალდამცველებმა საფუძვლიანად არ გამოიძიეს.
გამოკითხულთა 79% ფიქრობს, რომ ზოგადად, გახმაურებულ საქმეებზე პარლამენტში საგამოძიებო კომისია უნდა შეიქმნას.
კვლევა 2019 წლის 20 თებერვლიდან - 5 მარტის პერიოდში ჩატარდა. კვლევის ფარგლებში სულ გამოიკითხა 2087 ადამიანი. ცდომილების ზღვარი 2.3%-ია.