ლევან იზორიამ მე-13 ბატალიონის სამხედროებს თავდაცვის მზადყოფნის პროგრამის დასრულება მიულოცა

ლევან იზორიამ მე-13 ბატალიონის სამხედროებს GDRP-ის წარმატებით დასრულება მიულოცა. როგორც „ინტერპრესნიუსს“ თავდაცვის სამინისტროდან აცნობეს, საქართველოს თავდაცვის ძალების I ქვეითი ბრიგადის მე-13 ბატალიონი უკვე მესამე ქართული ქვედანაყოფია, რომელიც საქართველოს თავდაცვის მზადყოფნის პროგრამის (GDRP) ფარგლებში მომზადდა.

მათივე ინფორმაციით, საბრძოლო მომზადების ცენტრის (CTC) სამწყობრო მოედანზე სამხედროებს პროგრამის წარმატებით დასრულება თავდაცვის მინისტრ ლევან იზორიასთან ერთად, თავდაცვის ძალების მეთაურმა, გენერალ-მაიორმა ვლადიმერ ჩაჩიბაიამ და საქართველოში აშშ-ის ელჩის მოვალეობის შემსრულებელმა ელიზაბედ რუდმა მიულოცეს.

თავდაცვის მინისტრმა აშშ-სთან სამაგალითო თანამშრომლობა აღნიშნა, თავდაცვის მზადყოფნის პროგრამის (GDRP) მნიშვნელობასა და ქართველ და ამერიკელ სამხედროებს შორის ურთიერთთავსებადობის ამაღლებას გაუსვა ხაზი. მან თითოეულ ოფიცერს, სერჟანტს და რიგითს აღნიშნულ პროგრამაში მონაწილეობისათვის მადლობა გადაუხადა და სამხედრო კარიერაში წარმატებები უსურვა.

თავდაცვის უწყების ინფორმაციით, ღონისძიება მე-13 ქვეითი ბატალიონის სამხედრო მოსამსახურეების, საბრძოლო მომზადების ცენტრის (CTC) და აშშ-ის პირველი ქვეითი დივიზიის, პირველი ჯავშანსატანკო ბრიგადის ინსტრუქტორთა ჯგუფის „ყორანი“ დაჯილდოების ცერემონიალით გაგრძელდა.

მათივე ცნობით, საბრძოლო მომზადების ცენტრის (CTC) და ამერიკელი დამკვირვებელ-მაკონტროლებლების ერთობლივი შეფასებით, მე-13 ბატალიონი მზად არის საქართველოს თავდაცვის მზადყოფნის პროგრამის გეგმით გათვალისწინებული დავალებები მაღალ დონეზე და ეფექტიანად შეასრულოს. მე-13 ბატალიონის წვრთნა ბრძოლასთან მაქსიმალურად მიახლოებულ პირობებში, ვაზიანისა და ნორიოს საწვრთნელ რაიონებში 13 კვირის განმავლობაში მიმდინარეობდა. ქვედანაყოფის მომზადებაზე პასუხისმგებლები საბრძოლო მომზადების ცენტრის (CTC) ქართველი და აშშ-ის I ქვეითი დივიზიის, I ჯავშანსატანკო ბრიგადის ინსტრუქტორთა ჯგუფის „ყორანი“ ინსტრუქტორები იყვნენ. სწავლების განმავლობაში მე-13 ბატალიონის შესანარჩუნებელი და გასაუმჯობესებელი მხარეებიც გამოვლინდა.

პროგრამის დასრულების შემდეგ, ქვედანაყოფი CTC-ის ხელმძღვანელობის რეკომენდაციითა და ზედამხედველობით, შიდამოსამზადებელი სწავლების გეგმას (Homestation Training Plan) შეიმუშავებს და უკვე დისლოკაციის ადგილზე გააგრძელებს მომზადებასა და გეგმით დასახული ამოცანების შესრულებას.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა