საქართველოს ელჩი თურქმენეთის საგარეო საქმეთა მინისტრის მოადგილესა და ვიცე-პრემიერს შეხვდა

საქართველოს საგანგებო და სრულუფლებიანმა ელჩმა მამუკა მურჯიკნელმა თურქმენეთის საგარეო საქმეთა მინისტრის მოადგილესთან ბენდინიაზ მიატიევთან და თურქმენეთის მინისტრთა კაბინეტის თავმჯდომარის მოადგილესთან ბაჰარგულ აბდიევასთან გაცნობითი შეხვედრა გამართა. როგორც „ინტერპრესნიუსს“ აცნობეს, საქართველოს ელჩმა მამუკა მურჯიკნელმა და თურქმენეთის საგარეო საქმეთა მინისტრის მოადგილემ ბენდინიაზ მიატიველმა საუბრისას ქართულ - თურქმენული ურთიერთობების აქტუალურ საკითხები განიხილეს. საუბარი შეეხო მაღალი დონის ვიზიტების ორგანიზებას; ორი ქვეყნის საგარეო უწყებებს შორის პოლიტიკური კონსულტაციების ჩატარებას; თურქმენეთში ქართული პროდუქციის წარმოჩენის ხელშეწყობას; თბილისსა და აშხაბადს შორის პირდაპირი საავიაციო მიმოსვლის დაწყების შესაძლებლობებსა და კულტურის სფეროს წარმომადგენელთა მონაწილეობით ქალაქ აშხაბადში ერთობლივი ღონისძიების ჩატარებას. საქართველოს ელჩმა და თურქმენეთის მინისტრთა კაბინეტის თავმჯდომარის მოადგილემ ბაჰარგულ აბდიევამა ისაუბრეს კულტურის სფეროში საქართველოს და თურქმენეთს შორის ურთიერთობების განვითარების პერსპექტივებზე. ასევე მათ გამოთქვეს დაინტერესება კულტურის სფეროს წარმომადგენელთა მონაწილეობით ქალაქ აშხაბადში ერთობლივი ღონისძიების ჩატარებაზე და იმსჯელეს სამომავლოდ კულტურის დღეების გაცვლის შესაძლებლობებზე. როგორც, თურქმენეთის ვიცე-პრემიერმა აღნიშნა, მიმდინარე წლის ნოემბერში ქალაქ აშხაბადში დაგეგმილ თეატრალურ ფესტივალზე სიამოვნებით იხილავდა ქართული თეატრის წარმომადგენლებს და სურვილი გამოხატა ორი ქვეყნის მუზეუმებსა და ბიბლიოთეკებს შორის თანამშრომლობის გაფართოებაზე.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 15.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება