სირცხვილია, ზოგადად, რომ დღეს ჩვენი ერი ამ დღეშია, მაგრამ ეს არ არის „ქართული ოცნების“ და პირადად ივანიშვილის ბრალეულობა, – ასე უპასუხა პარტია „ქართული ოცნება - დემოკრატიული საქართველოს“ თავმჯდომარე ბიძინა ივანიშვილმა მძიმე სოციალური ფონისა და გაზრდილი მიგრაციის შესახებ დასმულ კითხვას. მისი თქმით, ეკონომიკის განვითარებისთვის საჭიროა სტაბილური პოლიტიკური გარემო.

„სირცხვილია, ზოგადად, რომ დღეს ჩვენი ერი ამ დღეშია, მაგრამ ეს არ არის „ქართული ოცნების“ და პირადად ივანიშვილის ბრალეულობა. ის, რომ დღეს ჩვენ ღარიბი ეკონომიკა გვაქვს და ის, რომ ევროპა რამდენჯერმე ჩვენ გვისწრებს, მე რამდენჯერმე მითქვამს. ის რომ მიგრაცია ობიექტურია, ესეც გასაგებია. ევროპას აკლია დღეს სამუშაო ადგილები, ჩვენ არ გვაქვს,“ - განაცხადა ივანიშვილმა ტელეკომპანია „იმედის“ ეთერში.