თამარ ჩუგოშვილი - პრემიერის მიერ ევროსაბჭოს საპარლამენტო ასამბლეაზე გამოსვლისას დასმული აქცენტები იყო ძალიან სწორი

„პრემიერ-მინისტრის მიერ დასმული აქცენტები იყო ძალიან სწორი. ეხებოდა ზუსტად იმას, რაზეც ქვეყანას გაწევრიანებიდან 20 წლის შემდეგ უნდა ესაუბრა,“ - ამის შესახებ პარლამენტის ვიცე-სპიკერმა თამარ ჩუგოშვილმა განაცხადა, რითაც გამოეხმაურა პრემიერ-მინისტრის ევროსაბჭოს საპარლამენტო ასამბლეაზე სიტყვით გამოსვლას. ჩუგოშვილი ასევე გამოეხმაურა „ევროპული საქართველოს“ წევრის გიორგი კანდელაკის მიერ გამოთქმულ კრიტიკას ბახტაძის გამოსვლასთან დაკავშირებით.

ვიცე-სპიკერის შეფასებით, გიორგი კანდელაკის მოსაზრებები დასასმელ აქცენტებთან დაკავშირებით არაადეკვატურია.

„ჩემს კოლეგას ოპოზიციის მხრიდან თავისი წარმოდგენები აქვს ხოლმე, ვინ სად რა უნდა ილაპარაკოს. არავინ არ არის ვალდებული, რომ მისი დაწერილი დღის წესრიგით და მოსაზრებებით იხელმძღვანელოს, მით უმეტეს, რომ ამ ადგილას სრულიად არაადეკვატური და არარელევანტური მგონია მისი მოსაზრებები დასასმელ აქცენტებთან დაკავშირებით.

პრემიერ-მინისტრის მიერ დასმული აქცენტები იყო ძალიან სწორი. ეხებოდა ზუსტად იმას, რაზეც ქვეყანას გაწევრიანებიდან 20 წლის შემდეგ უნდა ესაუბრა. ქვეყანას უნდა ესაუბრა ზუსტად იმაზე, ერთად რას მიაღწია საქართველომ და ევროსაბჭომ. ასევე, უნდა ესაუბრა იმ პრობლემებზე, რომელიც დაგვრჩა და მთავარი გამოწვევა, რა თქმა უნდა, არის ოკუპაციისა და ოკუპირებულ ტერიტორიებზე ადამიანის უფლებების სახით. ზუსტად ეს საუბრები და ეს თემები არის რელევანტური ამ ორგანიზაციაში.

რაც შეეხება სანქცირების საკითხს, ამაზე საქართველოს პოზიცია ძალიან მკაფიო და ნათელია. ყველა ფორმატში, მათ შორის ორმხრივ შეხვედრებში, პრემიერ-მინისტრი ამასთან დაკავშირებით აფიქსირებს თავის პოზიციას და აქ საერთოდ არავის არ გააჩნია არანაირი კითხვა იმასთან დაკავშირებით, საქართველოს რა გადაწყვეტილება აქვს მიღებული ამ მიმართულებით. კითხვაც კი არ არსებობს,“ - განაცხადა თამარ ჩუგოშვილმა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში