დიდუბეში სხვადასხვა სახის ინფრასტრუქტურა ათ მისამართზე მოწესრიგდა

დიდუბის რაიონში სხვადასხვა სახის ინფრასტრუქტურა ათ მისამართზე მოწესრიგდა. თბილისის მერიის ინფორმაციით, სამუშაოების ფარგლებში, სამ ობიექტზე საცხოვრებელი შენობის სახურავებს რეაბილიტაცია ჩაუტარდა, შეკეთდა სამი ამორტიზებული ლიფტი და საერთო სარგებლობის კიბე, სამ მისამართზე კი წყალარინების ქსელის რეაბილიტაცია განხორციელდა.

საერთო სარგებლობის ინფრასტრუქტურის მოწესრიგებისთვის გამგეობის ბიუჯეტიდან 118 400 ლარი გამოიყო.

ამ ეტაპზე, სამუშაოები 11 მისამართზე მიმდინარეობს. გორის ქუჩის N31-ში, დიღმის მასივის მე-4 კვარტლის მე-13 და 21-ე კორპუსების დაზიანებული სახურავები იცვლება, დიღმის მასივის მე-6 კვარტლის მე-9 კორპუსში საერთო სარგებლობის კიბეების, ხოლო სამტრედიის ქუჩის N6 კორპუსსა და დიღმის მასივის მე-5 კვარტლის მე-7 კორპუსში სადარბაზოს რეაბილიტაციის სამუშაოები მიმდინარეობს. ასევე, ექვს მისამართზე წყალარინების ქსელი შეიცვლება, ამორტიზებული ლიფტები კი განახლდება.

მერიის ინფორმაციით, აღნიშნულ სამუშაოებს დიდუბის რაიონის გამგეობის დაკვეთით, ტენდერში გამარჯვებული კომპანიები - შპს „სითი+“, „ოკრიბა“, საბა+“, „ჯეოლიფტი“, „სატურნი“ და „მისო“ ახორციელებენ.

„ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, სარეაბილიტაციო სამუშაოებს დიდუბის რაიონის გამგეობა 100%-ით აფინანსებს, ხოლო ამხანაგობას საკუთარ ანგარიშზე კონკრეტული პროექტის ღირებულების 10% შეაქვს, რასაც საერთო ქონების რეაბილიტაციას მოახმარს.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)