ევროსაბჭოს საპარლამენტო ასამბლეის წევრი მამუკა ბახტაძეს - შეგიძლიათ პირობა დადოთ,  რომ ია კერზაიას ტრაგიკული შემთხვევა ზედმიწევნით იქნება გამოძიებული?

შეგიძლიათ პირობა დადოთ, რომ ია კერზაიას ტრაგიკული შემთხვევა ზედმიწევნით იქნება გამოძიებული? ამ შეკითხვით საქართველოს პრემიერ-მინისტრ მამუკა ბახტაძეს ევროპის საბჭოს საპარლამენტო ასამბლეის წევრმა ბორიანა ობერგმა მიმართა.

„საქართველოს საპრეზიდენტო არჩევნების შესახებ ეუთო-ს დასკვნაში აღნიშნულია ზეწოლა საჯარო მოხელეებზე. გასულ კვირას ევროპარლამენტის 11 წევრმა წერილში მოგიწოდათ გამოიძიოთ ია კერზაიას სიკვდილი, რომელიც საჯაროდ აცხადებდა მასზე ზეწოლის შესახებ და ამბობდა, რომ ხელისუფლების მხარდაჭერილი კანდიდატის მხარდამჭერ კამპანიაში ჩართვისკენ უბიძგებდნენ. შეგიძლიათ პირობა დადოთ, რომ ეს ტრაგიკული შემთხვევა ზედმიწევით იქნება გამოძიებული?“ - ჰკითხა საქართველოს პრემიერს ევროსაბჭოს საპარლამენტო ასამბლეის წევრმა.

საქართველოს პრემიერმა საპასუხოდ განაცხადა, რომ „ზოგიერთი ოპოზიციური პარტია ამ ტრაგედიას პოლიტიკური სპეკულაციებისთვის იყენებს“.

„რა თქმა უნდა, ეს შემთხვევა ადამიანური ტრაგედია იყო. მსურს მივუსამძიმრო ია კერზაიას ოჯახის წევრებს. ამავე დროს, სამწუხაროდ, ზოგიერთი პოლიტიკური პარტია პოლიტიკური სპეკულაციებისთვის იყენებს ამ ტრაგედიას. მაქვს მოლოდინი, რომ გამოძიება უპასუხებს ყველა რელევანტურ შეკითხვას ამ ტრაგედიასთან დაკავშირებით“, - დასძინა ბახტაძემ.

ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
ქართული პრესის მიმოხილვა 18.02.2020
ხათუნა ბურკაძე - საქართველოს ნატო-ში ინტეგრაციის პროცესი დასაჩქარებელი და ბუქარესტის სამიტის თითქმის 12-წლიანი დაპირებები შესასრულებელია
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ