„წყალმომზადების სისტემები - EU სტანდარტები, თანამედროვე ტექნოლოგიები და ენერგოეფექტურობა" პირველ საერთაშორისო კონფერენციას 12 აპრილს უმასპინძლებს.

რეგიონული განვითარებისა და ინფრასტრუქტურის სამინისტროს ინფორმაციით, ღონისძიებას საქართველოში გერმანიის ფედერაციული რესპუბლიკის ელჩი, ჰუბერტ ქნირში გახსნის.

მათივე ცნობით, კონფერენციის მონაწილეებს საქართველოს გაერთიანებული წყალმომარაგების კომპანიის დირექტორის მოადგილე, ირაკლი ურუშაძე კომპანიის საქმიანობას და პრიორიტეტებს გააცნობს. ისაუბრებს კომპანიის ოპერირების არეალში წყალმომარაგების სფეროში არსებულ გამოწვევებსა და გეგმებზე, საერთაშორისო დონორ ორგანიზაციებთან პარტნიორულ თანამშრომლობასა და ინფრასტრუქტურულ საინვესტიციო გარემოზე.

„შეხვედრაზე დარგის ექსპერტები და წყალმომარაგების სექტორის წარმომადგენლები სფეროში არსებულ სიახლეებსა და წყალმომზადების პროცესის სწორად წარმართვის მნიშვნელობაზეც იმსჯელებენ.

ღონისძიებას, 24 -ე საერთაშორისო სამშენებლო გამოფენის CAUCASUS BUILD-ის ფარგლებში, კომპანია ,,აკვალაინი“ უწევს ორგანიზებას. კონფერენცია 11:00 საათზე „ექსპო ჯორჯიას“ მესამე პავილიონში გაიხსნება“, - აღნიშნულია რეგიონული განვითარებისა და ინფრასტრუქტურის სამინისტროს ინფორმაციაში.