გია გაჩეჩილაძემ გარემოს დაცვისა და დარგობრივი ეკონომიკის კომიტეტების სხდომა პროტესტის ნიშნად დატოვა

ფრაქცია „ქართული ოცნება-მწვანეების" თავმჯდომარემ გია გაჩეჩილაძემ დარგობრივი ეკონომიკისა და ეკონომიკური პოლიტიკის და გარემოს დაცვისა და ბუნებრივი რესურსების კომიტეტების ერთობლივი სხდომა პროტესტის ნიშნად დატოვა.

„მე ამ სხდომას არ დავესწრები, რადგან აშკარად ვიღაცას უნდა სხდომის ჩაშლა, მას, ვინც ყვირის და ვინც არ აცლის კომიტეტს მუშაობას. პრობლემა არის სერიოზული, მთავრობას აქვს გადაწყვეტილება მიღებული, კარგი საქმეა გაკეთებული. არის პრობლემები და გვინდა მოვისმინოთ რა არის ამ პრობლემების არსი, რომ რადგან ჩვენ ვართ საპარლამენტო რესპუბლიკა, პარლამენტმა მიუთითოს მთავრობას, რომ საქმე საბოლოოდ გადაწყდეს. თუ არ გვაცლიან, კი ბატონო, დაჯდნენ და რამდენიც უნდა იყვირონ“, - განაცხადა გია გაჩეჩილაძემ.

ხმაურით და ცხარე კამათით დაიწყო პარლამენტის გარემოს დაცვისა და დარგობრივი ეკონომიკის კომიტეტების გაერთიანებული სხდომა, სადაც განხილვის მთავარი თემა პოლიეთილენის, არადეგრადირებადი პარკების აკრძალვასთან დაკავშირებით მიღებული გადაწყვეტილებაა.

აღნიშნულ საკითხზე სასაუბროდ კომიტეტებმა გარემოს დაცვისა და სოფლის მეურნეობის მინისტრის მოადგილე ნინო თანდილაშვილი მოიწვიეს.

კომიტეტზე ასევე იმყოფებიან პოლიეთილენის პარკების ადგილობრივი მწარმოებლები. კამათი გარემოს დაცვისა და სოფლის მეურნეობის მინისტრის მოადგილის მოხსენების დაწყებას მოჰყვა, რომელმაც თავდაპირველად პოლიეთილენის პარკების გამოყენებით გარემოზე მიყენებულ ზიანსა და მიღებული გადაწყვეტილების მიზეზებზე გაამახვილა ყურადღება. ამის მოსმენა არ ისურვეს დეპუტატმა დავით ჭიჭინაძემ და ასევე მოწვეულმა მწარმოებლებმა, რომელთა სურვილიც არის მთავრობამ გასცეს პასუხი კითხვას, აპირებს თუ არა გადაწყვეტილების გადავადებას.

საბოლოოდ, ნინო თანდილაშვილმა მოხსენებით გამოსვლა შეწყვიტა.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო