რომან კაკულია „საერთაშორისო გამჭვირვალობის“ გამოკითხვაზე - ასეთი ქვეყანა არ არსებობს, სადაც კორუფცია არ არის-თუ ასეთი იდეალური სახელმწიფო სადმეა, ყველა წავედით

მგონი, ასეთი ქვეყანა არ არსებობს, სადაც კორუფცია არ არის. ასეთი იდეალური სახელმწიფო თუ სადმეა წავედით ყველა, -ამის შესახებ დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ რომან კაკულიამ არასამთავრობო ორგანიზაცია „საერთაშორისო გამჭვირვალობა – საქართველოს“ მიერ კორუფციის შესახებ საზოგადოებრივი აზრის გამოკითხვის შედეგების კომენტირებისას განაცხადა.

რომან კაკულიას თქმით, ქვეყანაში ელიტური კორუფციის ნიშნები მკაფიოდ გამოხატული არ არის, თუმცა, შესაძლოა რეგიონების დონეზე გარკვეული სიგნალები შეიმჩნეოდეს.

„ლაპარაკია იმაზე თუ როგორია ჩვენს ქვეყანაში კორუფციის ტენდენცია. მზარდი ტენდენცია ჩემი აზრით არ არის. იყო გარკვეული ტენდენციები, სიგნალები რეგიონების დონეზე-საზოგადოებაში იყო ასეთი აღქმა, რამდენად იყო ამის უკან მაგალითები, თუ ეს იყო ხელოვნურად შექმნილი ტენდენციები, ამას პასუხი უნდა გაეცეს, რადგან ტენდენციები არასდროს არ ყალიბდება მოტივაციების გარეშე. ჩემი აზრით, გარკვეული მოდუნება რეგიონების დონეზე, ალბათ, იყო და ამას უნდა მიაქციოს ხელისუფლებამ ყურადღება და ასეც ვაკეთებთ, მაგრამ ელიტურ კორუფციას რაც შეეხება, ასე მკაფიოდ გამოკვეთილი ალბათ არ არის“,-განაცხადა რომან კაკულიამ.

არასამთავრობო ორგანიზაციამ „საერთაშორისო გამჭვირვალობა – საქართველო“ კორუფციის შესახებ საზოგადოებრივი აზრის გამოკითხვის შედეგები წარადგინა.

კვლევის თანახმად, საქართველოში გავრცელებულია თანამდებობის პირთა მიერ უფლებამოსილების პირადი გამორჩენისთვის გამოყენება, ხოლო ხელისუფლება ასეთ შემთხვევებზე სათანადოდ არ რეაგირებს. ამავე დროს, წვრილმანი კორუფციის შემთხვევები კვლავაც უკიდურესად იშვიათია.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა