ირაკლი კობახიძე - არსებული ტემპით, ალბათ, დაგვჭირდება 10-12 წელიწადი იმისთვის, რომ მთლიანად აღმოვფხვრათ სიღარიბე

საქართველოს პარლამენტის თავმჯდომარის, ირაკლი კობახიძის განცხადებით, არსებული ეკონომიკური ტემპით, სიღარიბის აღმოფხვრას საქართველოში 10-12 წელი დასჭირდება, 7%-იანი ეკონომიკური ზრდის მაჩვენებელის პირობებში კი, პრობლემის დაძლევისთვის საკმარისი შეიძლება 7-8 წელიც იყოს.

როგორც ირაკლი კობახიძემ „პალიტრანიუსის“ გადაცემაში „360 გრადუსი“ განაცხადა, საქართველოში დღეს სიღარიბის ზღვარს მიღმა 800 ათასი ადამიანი ცხოვრობს, რაც 2012 წელს მილიონ 150 ათასი იყო.

„ჩვენთვის მთავარი გამოწვევა არის ეკონომიკური და სოციალური ვითარება. შარშანდელი მონაცემებით, 800 ათასი ადამიანი არის სიღარიბის ზღვარს მიღმა საქართველოში. შესაბამისად, მთავარი გამოწვევა და ამოცანა არის ის, რომ მაქსიმალურად დაჩქარდეს ეკონომიკური ზრდის ტემპი. ჩვენ არსებული ტემპით, ალბათ, დაგვჭირდება 10-12 წელიწადი იმისთვის, რომ მთლიანად აღმოვფხვრათ სიღარიბე ჩვენს ქვეყანაში. თუ იქნება ოპტიმალური ტემპი, მაგალითად, 7%-იანი ეკონომიკური ზრდის მაჩვენებელი, ამ შემთხვევაში შეიძლება 7-8 წელიწადშიც მთლიანად აღმოიფხვრას სიღარიბე“, - განაცხადა კობახიძემ.

მისივე თქმით, სოციალური პრობლემების მოსაგვარებლად ყველა ზომა მისაღებია.

„800 ათასი ადამიანია სიღარიბის ზღვარს მიღმა, რაც არის მსოფლიო ბანკის მიერ დაფიქსირებული, ეს არის ძალიან მძიმე მაჩვენებელი. ამით ხშირად სპეკულირებენ ჩვენი ოპონენტები. ისე წარმოაჩენენ ვითარებას, თითქოს ეს არის „ქართული ოცნების“ მიერ შექმნილი. ამ დროს, იგივე მსოფლიო ბანკის მონაცემებით, 2012 წელს სიღარიბის ზღვარს მიღმა ცხოვრობდა მილიონ 150 ათასი ადამიანი. ანუ, შემცირებულია 350 ათასით ამ 6 წლის განმავლობაში. იმისთვის, რომ ეს 800 ათასიც განულდეს, საჭიროა 7-8, შეიძლება 10 წელი“, - განაცხადა კობახიძემ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)