Microsoft-თან თანამშრომლობით, საჯარო სკოლებში საინფორმაციო და საკომუნიკაციო ტექნოლოგიები ინერგება

საჯარო სკოლებში საინფორმაციო და საკომუნიკაციო ტექნოლოგიების დანერგვისა და ხელმისაწვდომობის მიზნით, საქართველოს განათლების, მეცნიერების, კულტურისა და სპორტის სამინისტროსა და კომპანია Microsoft-ს შორის მემორანდუმი გაფორმდა.

როგორც „ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს, მემორანდუმს ხელი მინისტრმა მიხეილ ბატიაშვილმა და „Microsoft საქართველოს“ წარმომადგენელმა ქეთევან რატინმა მოაწერეს.

მათივე ინფორმაციით, მემორანდუმის ფარგლებში, სამინისტროსა და Microsoft-ს შორის ერთობლივი პროექტები განხორცილდება, რაც გაამარტივებს და ხელს შეუწყობს სისტემაში მიმდინარე რეფორმის განხორციელებას.

„Microsoft-ის აქტიური ჩართულობით, სკოლებში ტექონოლოგიების დანერგვის პროცესში უზრუნველყოფილი იქნება როგორც საერთაშორისო ექსპერტთა კონსულტაციები, ასევე სხვადასხვა სასწავლო მასალებზე წვდომა, მასწავლებლების გადამზადება და სხვ. შედეგად, სწავლისა და სწავლების პროცესში საინფორმაციო და საკომუნიკაციო ტექნოლოგიების ხელმისაწვდომობა გაუმჯობესდება. ამასთან, პედაგოგებს შესაძლებლობა ექნებათ, საკლასო ოთახში გამოიყენონ ტექნოლოგიები და მოსწავლეებს შესაბამისი უნარები განუვითარონ.

ინფორმაციისა და ტექნოლოგიების ეპოქაში სკოლებში ინოვაციების დანერგვას განსაკუთრებული მნიშვნელობა ენიჭება. სწორედ ამიტომ, განათლების რეფორმის ფარგლებში, Microsoft-თან და ტალინის უნივერსიტეტთან აქტიური თანამშრომლობით სასწავლო პროცესში ციფრული საგანმანათლებლო რესურსები დაინერგება. შედეგად, მასწავლებლები და მოსწავლეები უზრუნველყოფილნი იქნებიან ელექტრონული რესურსებით, რათა ინფორმაციის მარტივად გაცვლა, საკუთარი საკომუნიკაციო არხების აწყობა, ინფორმაციის გავრცელება და სწავლა-სწავლების პროცესში ელექტრონული საგანმანათლებლო რესურსების ეფექტური გამოყენება შეძლონ,“ - ნათქვამია სამინისტროს ინფორმაციაში.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან