ერთ დღეში რომ ცვლიდით კანონპროექტს ხომ არ დაგავიწყდათ თქვენ?“ - ამ კითხვით იურიდიულ საკითხთა კომიტეტის თავმჯდომარე ანრი ოხანაშვილმა ოპოზიციონერ დეპუტატებს მიმართა, რომლებიც უზენაეს სასამართლოში მოსამართლეთა შერჩევასთან დაკავშირებული კანონპროექტის კომიტეტის დღის წესრიგიდან ამოღებას ითხოვენ. ოხანაშვილის თქმით, ოპოზიციის წარმომადგენლები კომიტეტის სხდომაზე კრიტიკული სიტუაციის შექმნას უსაფუძვლოდ ცდილობენ.
„ეს არის საზოგადოების შეცდომაში შეყვანა, რომ თითქოს ვინმე აჩქარებს პროცესს. არანაირი ფორსირება არ ხდება. ერთ დღეში რომ ცვლიდით კანონპროექტს ხომ არ დაგავიწყდათ თქვენ? ერთ დღეში რომ შეცვალეთ კანონპროექტი, რომელი საკომიტეტო მოსმენა ჩაატარეთ? მართლა ყველაფერს აქვს საზღვარი. პროცესი შეჩერდა, 5 თვიანი განხილვა მიმდინარეობს და ყველა სუბიექტია ჩართული. ხელისუფლებამ დააფიქსირა ნება, რომ ეს ჩვენი პროექტი ვენეციის კომისიაში გადავაგზავნოთ. ველოდებით ვენეციის კომისიის დასკვნას და გეუბნებით, რომ პლენარულ სხდომაზე იქნება ასახული და აქ ცდილობთ, თითქოს კრიტიკული სიტუაცია შექმნათ. თქვენს ცინიზმს საზღვარი ხომ აქვს,“ - განაცხადა ოხანაშვილმა.