Rzeczpospolita  - დონალდ ტრამპმა შესაძლოა, პოლონეთში ვიზიტის ფარგლებში, ქვეყანაში აშშ-ს სამხედრო ბაზების გაფართოება გამოაცხადოს

აშშ-ს პრეზიდენტი დონალდ ტრამპი შესაძლოა, 1-ელ სექტემბერს პოლონეთს ვიზიტით ეწვიოს და პოლონეთში აშშ-ს სამხედრო ბაზების გაფართოება გამოაცხადოს. ამის შესახებ ინფორმაციას პოლონური გაზეთი Rzeczpospolita დიპლომატიურ წყაროებზე დაყრდნობით ავრცელებს.

„ვაშინგტონსა და ვარშავას შორის მოლაპარაკებები ინტენსიურად მიმდინარეობს. ამერიკელებმა პოლონელ პარტნიორებს მიანიშნეს, რომ ტრამპი პოლონეთის პრეზიდენტის თეთრ სახლში მიწვევას გეგმავს ივნისის შუა რიცხვებში, რათა პოლონეთში ამერიკული ბაზების გაფართოების ბოლო დეტალები გადაწყვიტონ“, - აღნიშნავს გამოცემა Rzeczpospolita.

გამოცემის ინფორმაციით, თუ მხარეები თეთრ სახლში შეხვედრაზე სადავო საკითხებს გადაწყვეტენ, ტრამპს შეფერხებები არ ექნება ვარშავაში მეორე მსოფლიო ომის დაწყების 80 წლისთავზე აშშ-ს ახალი სამხედრო ინიციატივა გამოაცხადოს.

აღსანიშნავია, რომ პოლონეთის პრეზიდენტის ადმინისტრაციაში ამ თემაზე კომენტარის გაკეთებისგან თავს იკავებენ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა