იურიდიული კომიტეტის სხდომაზე უზენაესი სასამართლოს მოსამართლეების არჩევის კანონპროექტის ნახევრად ცარიელ დარბაზში განხილვა კამათის მიზეზი გახდა

პარლამენტის იურიდიულ საკითხთა კომიტეტის სხდომაზე უზენაესი სასამართლოს მოსამართლეების არჩევის კანონპროექტის ნახევრად ცარიელ დარბაზში განხილვა კამათის მიზეზი გახდა.

უმრავლესობის საკანონმდებლო ინიციატივაზე შენიშვნებს ძირითადად არასამთავრობო ორგანიზაციების წარმომადგენლები და სხვა მოწვეული სტუმრები გამოთქვამდნენ და კითხვებსაც ისინი სვამდნენ. საკომიტეტო სხდომათა დარბაზში ფრაქცია „ქართული ოცნების“ მხოლოდ სამი წევრი იმყოფებოდა, როცა ერთ-ერთმა მოწვეულმა სტუმარმა, ნოდარ რუხაძემ დასვა შეკითხვა, თუ რატომ არ იღებდნენ განხილვაში მონაწილეობას უმრავლესობის სხვა წარმომადგენლები.

„იმ მომსახურებაში, რაშიც ვიხდით ფულს, რატომ არ მონაწილეობენ დეპუტატები“, - დასვა კითხვა ნოდარ რუხაძემ.

მისი ამ რეპლიკიდან რამდენიმე წუთში სხდომათა დარბაზში მამუკა მდინარაძე შევიდა, რომელმაც ნოდარ რუხაძეს მიუთითა, რომ ის „რუსთავი2“-ის თანამშრომელი იყო.

სხდომის წამყვანმა, დავით მათიკაშვილმა კი აღნიშნა, რომ იურიდიული კომიტეტის პარალელურად პარლამენტში სხვა სხდომებიც მიმდინარეობს და დეპუტატები სხვადასხვა შეხვედრებზე არიან გადანაწილებული.

ამ თემაზე კომიტეტის სხდომაზე მცირე კამათი გაიმართა.

მთავარი შენიშვნა, რაც არასამთავრობო სექტორს და მოწვეულ იურისტებს უმრავლესობის პროექტის მიმართ აქვთ არის, რომ წარმოდგენილი საკანონმდებლო ინიციატივა თავიდან ვერ იცილებს ინტერესთა კონფლიქტს იუსტიციის უმაღლესი საბჭოს მხრიდან.

მათივე შეფასებით, უზენაესი სასამართლოს მოსამართლეობის კანდიდატების შერჩევის კრიტერიუმები არ არის სრულყოფილი და პრობლემას ქმნის ასევე ის, რომ იუსტიციის უმაღლესი საბჭო გადაწყვეტილებებს ფარული კენჭისყრით მიიღებს.

მიხეილ კალანდია - თამამად შემიძლია ვთქვა, რომ 19 წლის ასაკში პოლიტიკური პატიმარი ვარ
ქართული პრესის მიმოხილვა 19.11.2019
დავით უსუფაშვილი - „გერმანული მოდელი“ სწორედ იმიტომ იქნა შერჩეული, რომ იგი ყველაზე ადეკვატური კონტრნაბიჯია, რათა პროცესები კონტროლიდან არ გამოვიდეს
სოფლის მეურნეობის განვითარების გეგმები და შესაძლებლობები - კონფერენცია "ექსპოჯორჯიაში" გაიმართება
დიდი ხანია ემზადები შავი პარასკევისთვის?! (R)
BCard - "ემბისის" ბიზნეს ბარათი მცირე ფერმერებისა და მიკრო მეწარმეებისთვის
უნიმანია "უნიქარდისგან" - ექსკლუზიური შეთავაზება მინიმალური ქულებით (R)