კომპოზიტორმა ტონი მემელმა  ბენდთან ერთად თბილისის სახელმწიფო სამედიცინო უნივერსიტეტში კონცერტი გამართა

ამერიკის შეერთებული შტატების საელჩოს მოწვევით, შეზღუდული შესაძლებლობის მუსიკოსმა და კომპოზიტორმა ტონი მემელმა თავის ბენდთან ერთად თბილისის სახელმწიფო სამედიცინო უნივერსიტეტში კონცერტი გამართა.

კონცერტს ამერიკის შეერთებული შტატების ელჩის მოადგილის მოვალეობის შემსრულებელი ჯეფრი რენო ესწრებოდა.

როგოროც თბილისის სახელმწიფო უნივერსიტეტის რექტორის მოადგილემ რიმა ბერიაშვილმა „ინტერპრესნიუსთან“ აღნიშნა, დიდი პატივია მათთვის, რომ ამერიკის შეერთებული შტატების საელჩომ სწორედ სამედიცინო უნივერსიტეტი შეარჩია ასეთი მნიშვნელოვანი ბენდის სტუმრობის ადგილად.

„90-იანი წლებიდან ვმეგობრობთ, ვურთიერთობთ, ვსაქმიანობთ ატლანტაში ემორის უნივერსიტეტთან და ეს მჭიდრო ურთიერთობა, რომ აშშ-ს საელჩომ ჩვენს უნივერსიტეტში მოიყვანა ეს ბრენდი, ამითაც უნდა იყოს გამოწვეული და მეორე, ტონი მემელი გახლავთ უნარშეზღუდული, მას დაბადებიდან არ აქვს ხელი და ეს ადამიანი არის მხნეობის, გმირობის მაჩვენებელი. მთელს მსოფლიოში აქვს ტური - უკრავს სკოლებში, საავადმყოფოებში ატარებს კონცერტებს. ის თავადაც დაინტერესდა ჩვენი ფიზიკური რეაბილიტაციის ცენტრის პროგრამით, გვკითხა, მიიღო ინფორმაცია. ჩვენთვის ძალიან დიდი პატივი და დაფასებაა, რომ ის, როგორც პროფესიონალი, ირჩევს ჩვენს უნივერსიტეტს თავისი კონცერტისთვის. ღრმად ვარ დარწმუნებული, რომ ამ ორ ქვეყანას შორის საქმესთან ერთად კულტურული გაცვლა გაგრძელდება და გაღრმავდება,“ - განაცხადა რიმა ბერიაშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს