მუნიციპალიტეტებს შესაძლებლობა მიეცემათ, მოსახლეობაზე გარეული ცხოველების თავდასხმისას, ცხოველების ბუნებრივი გარემოდან ამოღების თაობაზე გადაწყვეტილებები თავად მიიღონ

მუნიციპალიტეტებს შესაძლებლობა მიეცემათ, ადგილობრივ მოსახლეობასა და მათ ქონებაზე გარეული ცხოველების თავდასხმისას, ცხოველების ბუნებრივი გარემოდან ამოღების თაობაზე გადაწყვეტილებები თავად მიიღონ.

შესაბამისი ცვლილებები “ცხოველთა სამყაროს შესახებ“ კანონში ხორციელდება, რომელიც გარემოს დაცვისა და სოფლის მეურნეობის სამინისტრომ მოამზადა.

უფრო კონკრეტულად, გარეულ ცხოველთა რაოდენობის რეგულირება გარემოს დაცვისა და სოფლის მეურნეობის სამინისტროს კომპეტენციას წარმოადგენს. ამასთან, ბოლო წლების განმავლობაში, გარეული ცხოველების რაოდენობის რეგულირებას მუნიციპალიტეტები სამინისტროსთან გაფორმებული უფლებამოსილების დელეგირების ხელშეკრულების საფუძველზე ახორციელებენ.

როგორც საკანონმდებლო პროექტის განმარტებით ბარათშია აღნიშნული, ასეთი სახის ხელშეკრულებების შედეგად, ბუნებრივი გარემოდან ამოღებულ იქნა 100-მდე მგელი და 60-მდე ტურა.

ამასთან, ინიციატორთა განმარტებით, დღეს არსებული პროცედურა - უფლებამოსილების დელეგირება ხელშეკრულების საფუძველზე, მნიშნელოვნად აფერხებს გადაწყვეტილებების ოპერატიულად მიღებას, რაც მოსახლეობის სამართლიან უკმაყოფილებას იწვევს.

“სამწუხაროდ, უფლებამოსილების ხელშეკრულებით დელეგირების პროცედურა ხშირად დიდ დროს მოითხოვს, ვინაიდან რამდენიმე ეტაპს მოიცავს. კერძოდ, მუნიციპალიტეტი შესაბამისი თხოვნით სამინისტროს მიმართავს, სამინისტრო შეისწავლის საკითხს და ამზადებს ხელშეკრულების პროექტს გარეული ცხოველების რაოდენობის რეგულირების ღონისძიების განხორციელების შესახებ უფლებამოსილების დელეგირების თაობაზე. შემდეგ ამ პროექტს შესათანხმებლად უგზავნის მუნიციპალიტეტს, ხოლო მუნიციპალიტეტის მიერ პროექტის შეთანხმების შემდეგ, პროექტი გადაწყვეტილების მისაღებად, მთავრობას წარედგინება. მთავრობის მიერ გადაწყვეტილების მიღების შემდეგ, ხელშეკრულებას ხელს აწერს სამინისტროს უფლებამოსილი წარმომადგენელი და იგი საბოლოოდ ეგზავნება მუნიციპალიტეტს. აღნიშნული პროცედურა, მუნიციპალიტეტის მიერ საკითხის დასმიდან მისთვის შესაბამისი უფლებამოსილების მინიჭებამდე, როგორც წესი, გრძელდება 2-3 თვემდეც, რის გამოც დროულად ვერ ხერხდება საფრთხეზე რეაგირება და გარეული ცხოველებისგან მოსახლეობის დაცვა, მაშინ როცა ადამიანთა სიცოცხლის, ჯანმრთელობის და ქონებასთან დაკავშირებული საფრთხის თავიდან აცილება დაუყოვნებლივ რეაგირებას საჭიროებს და დაყოვნება ხშირად მნიშვნელოვან მატერიალურ ზარალს აყენებს მოსახლეობას“, - ნათქვამია პროექტის განმარტებით ბარათში.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს