“ქართული ოცნების“ დეპუტატი ალექსანდრე ერქვანია პარლამენტის ეზოში ტაძრის აშენების ინიციატივით გამოდის.
შესაბამისი განცხადება მან პარლამენტის პლენარულ სხდომაზე გააკეთა.
“ამ ადგილას, სადაც დღეს ვიმყოფებით, მართლმადიდებლური ტაძარი იყო, რომელიც საქართველოს გასაბჭოების შემდეგ კომუნისტურმა მთავრობამ დაანგრია. ტაძრის ნანგრევებზე ვერავინ და ვერაფერი ხარობს. ამიტომ მოგმართავთ ინიციატივით, საქართველოს პარლამენტის ეზოს ტერიტორიაზე ყველამ ერთად ავაშენოთ ტაძარი და გადავდგათ ნაბიჯები საერთო სახალხო ერთიანობის მისაღწევად“, - განაცხადა ერქვანიამ პარლამენტის სხდომაზე.
სესიაზე დღეს პირველი მოსმენით განიხილეს მთავრობის საკანონმდებლო ინიციატივა, რომლის მიხედვით, წმინდა ანდრია მოციქულის ხსენების დღესთან ერთად, 12 მაისის უქმე დღედ გამოცხადების საფუძვლად, ყოვლადწმინდა ღვთისმშობლისადმი საქართველოს წილხვდომილობის დღედ - იმედის დღე განისაზღვრება.