ბიძინა ივანიშვილი ურჩხულივითაა გადაფარებული ამ ქვეყანას და მის გამო ხალხი სახიჩრდება, ვარდება შენობიდან, - ამის შესახებ ჟურნალისტებს ალეკო ელისაშვილმა განუცხადა, როდესაც გამოეხმაურა 16 აპრილს, თბილისში, "პანორამა თბილისის" მშენებლობაზე სამი მუშის ჩამოვარდნის ფაქტს.
მისი თქმით, აღნიშნული სამშენებლო ობიექტი შრომის ინსპექციას რომც შეემოწმებინა, დარღვევების შესახებ ზოგიერთი მიზეზის გამო ხმამაღლა ვერ ისაუბრებდა.
„დავიწყოთ იქიდან, რომ ბიძინა ივანიშვილს, რომ სინდისი ჰქონოდა არაერთი ტრაგიკული ფაქტის შემდეგ, როცა მშნებლობებიდან მუშები ჩამოვარდნენ და დაიღუპნენ, თავის სამშენებლო ობიექტზე დაიბარებდა მშნებლობის ხელმძღვანელს და იკითხავდა არის, თუ არა ჩვენთან დაცული სამშენებლო ნორმები. აღმოაჩენდა, რომ ნორმები დაცული არ არის და რაღაც ზომები უნდა მიეღო, მაგრამ ივანიშვილს არ აინტერესებს ხალხის სიცოცხლე, სამშენებლო ნორმები დაცულია თუ არა და არხეინად დაათრევს ხეებს. უხარია, რომ შუშის სიმახინჯეებს აშენებს და ამით ამახინჯებს ქალაქს“, - განაცხადა ელისაშვილმა.