19 აპრილს, ქუთაისის ლადო მესხიშვილის სახელობის დრამატულ თეატრში ხელოვანთა კავშირი „კონცეპტArt“ საზოგადოებას ცხრა საერთაშორისო გრან-პრის მფლობელი ქართველი პიანისტის ვალერიან შიუკაშვილის სოლო კონცერტზე იწვევს.
პროექტი, რომელიც ქუთაისის მუნიციპალიტეტის მერიის მხარდაჭერით ხორციელდება, პიანისტის ახალი ალბომის Pregnancy Music პრეზენტაციასაც მოიცავს.
კონცერტი 19:00 საათზე დაიწყება. შეკრებილ საზოგადოებას საშუალება ექნება მოუსმინოს ბახის, შუბერტის, ჰენდელის, მოცარტის, შუმანის, შოპენისა და ჩაიკოვსკის ნაწარმოებებს.
პროექტის მასპინძელია სასტუმრო „ბაგრატი“, ხოლო საინფორმაციო მხარდამჭერები: რუსთავი 2, საინფორმაციო პორტალი AT.GE, ჰოლდინგი „ფორტუნა“, ამბები.ჯი, საინფორმაციო ცენტრი 118-08.
ხელოვანთა კავშირის გენერალური პარტნიორები არიან „სინერჯი“ და კომპანია „ჯორჯიან ეირვეისი“.