საოკუპაციო ძალების წარმომადგენლებმა სოფელ მეჯვრისხევის მკვიდრი გაიტაცეს

გორის მუნიციპალიტეტში, საოკუპაციო ხაზთან მდებარე სოფელ მეჯვრისხევთან, საოკუპაციო ძალების წარმომადგენლებმა მეჯვრისხევის მკვიდრი, 50 წლამდე ასაკის მამაკაცი გაიტაცეს.

თანასოფლელების თქმით, გოჩა ფიდიური ხშირად მიდიოდა სოფლის განაპირას მდებარე ლომისის სალოცავში, რომელიც საოკუპაციო ხაზთან მდებარეობს.

დაკავებულის ნათესავებს დე ფაქტო რეჟიმის და ე.წ. სასაზღვრო სამსახურის წარმომადგენლები ჯერ არ დაკავშირებიან.

როგორც "ინტერპრესნიუსს" სუს-ში განუცხადეს, ამოქმედებულია ცხელი ხაზი და ინფორმირებულია ევროკავშირის სადამკვირვებლო მისია.