გიგა ბოკერია - დამოკიდებულება, რომელიც პანკისში შექმნილ რთულ ვითარებასთან დაკავშირებით შს მინისტრის მხრიდან ვიხილეთ, ადასტურებს, რომ ქვეყანას არ ჰყავს ხელისუფლება

დამოკიდებულება, რომელიც პანკისში შექმნილ რთულ ვითარებასთან დაკავშირებით შს მინისტრის მხრიდან ვიხილეთ, ადასტურებს, რომ ქვეყანას არ ჰყავს ხელისუფლება, რომელიც მზად არის, ქვეყნისთვის საჭირო, გააზრებული ნაბიჯების გადასადგმელად - ესეც გიორგი გახარიას და მთლიანად ივანიშვილის გუნდის დიაგნოზია, - ასე ეხმაურება პარტია “ევროპული საქართველოს“ ერთ-ერთი ლიდერი გიგა ბოკერია პანკისის ხეობაში შექმნილ მდგომარეობას.

როგორც ბოკერიამ ჟურნალისტებს განუცხადა, წლებია პანკისის ხეობის მიმართულებით მიმდინარეობს დამაზიანებელი პოლიტიკა, რაც ერთის მხრივ, მოსახლეობას უქმნის ხელისუფლების უუნარობის და ასევე, უსამართლობის განცდას.

“ქვეყნისთვის არის ძალიან მძიმე და სახიფარო ვითარება. მინდა ჩვენს მოქალაქეებს პანკისის ხეობაში სიმშვიდისაკენ მოვუწოდო. რა თქმა უნდა, დაუშვებელია ნებისმიერი სახის ძალადობა პოლიციელების წინააღმდეგ, მაგრამ სრული პასუხისმგებლობა ამ რთულ ვითარებაზე და იმაზე, რომ საქმე აქამდე მივიდა, ივანიშვილის ხელისუფლებას ეკისრება - მისი არათანმიმდევრული და გაუაზრებელი პოლიტიკის გამო. ეს ჰესის საკითხი არ არის, თუმცა ჰესების თემაშიც არათანმიმდევრული არიან. პანკისის ხეობასთან დაკავშირებით ჩვენ წლებია საჯაროდ და არასაჯაროდ ვაფრთხილებდით იმ ვათარების შესახებ, რომელიც ამ რეგიონში იყო ხელისუფლებისადმი ნდობის და კანონის უზენაესობის თვალსაზრისით. ეს არის ამ ყველაფრის შედეგი, რომ ზოგადი დამოკიდებულება ხელისუფლების და მისი პოლიტიკის მიმართ ჩვენი მოქალაქეების ნდობას არ იწვევს. მათ არა აქვთ ლეგიტიმაცია, რაც ქვეყნისთვის დიდი ხიფათის მომატანია“, - განაცხადა გიგა ბოკერიამ.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
უპროცენტო განვადება და საჩუქარი მომხმარებელს - რას სთავაზობს კომპანია ,,ჯეო გლასი"
ბიზნეს-ცენტრი ატრიუმი - პრაქტიკული არჩევანი
„PSP ყველგან შენი ოჯახის გვერდით“ კამპანიის ფარგლებში ბრიტანული კონცეფციის აფთიაქი წყნეთში გაიხსნა
ტერაბანკი ბიზნესკლიენტებს საქმიანობის პოპულარიზაციაში დაეხმარება
ლიბერთი იპოთეკური სესხების სუბსიდირების სახელმწიფო პროგრამაში ჩაერთო