თქვენ თქვენი განცხადებებით, დღეს ფსკერზე დახვედით, - ამ სიტყვებით მიმართა დეპუტატმა სალომე სამადაშვილმა ადამიანის უფლებათა დაცვის კომიტეტის ხელმძღვანელ სოფო კილაძეს.
პარლამენტის სამი კომიტეტის გაერთიანებულ სხდომაზე, სადაც სუს-ის ყოველწლიური ანგარიში მოისმინეს, სალომე სამადაშვილის გაღიზიანება პანკისის ხეობაში განვითარებულ მოვლენებზე სოფიო კილაძის შეფასებას მოჰყვა.
უფრო კონკრეტულად, კილაძემ პანკისის ინციდენტისას, პოლიტიკური ოპოზიცია ერთიანობაში საფრთხის შეტანის მცდელობაში დაადანაშაულა და აღნიშნა, რომ ადგილი ჰქონდა ეთნიკურ ნიადაგზე შუღლის გაღვივების მცდელობას.
სამადაშვილმა კილაძის ამ შეფასებას „ფსკერი“ უწოდა. ამასთან, ფრაქცია „ნაციონალური მოძრაობის“ წევრმა გრიგოლ ლილუაშვილს მომხდარზე განმარტებების გაკეთება მოსთხოვა და როგორც აღნიშნა, გუშინ იყო დღე, რაც რუსეთის საქმეებს საქართველოში აადვილებს.
კომიტეტების გაერთიანებული სხდომა ამ წუთებში დახურულ ფორმატში გრძელდება.