გიორგი ტუღუში - უნდა გაანალიზდეს, რამდენად იყო პროპორციული ის ძალა, რომელიც პოლიციელებმა პანკისის მოსახლეობის წინააღმდეგ გამოიყენეს

უნდა გაანალიზდეს, რამდენად იყო ის ძალა პროპორციული, რომელიც პოლიციელებმა პანკისის მოსახლეობის წინააღმდეგ გამოიყენეს, - ამის შესახებ „ევროპული საქართველოს" წევრმა გიორგი ტუღუშმა პანკისის ხეობაში 21 აპრილის მოვლენებზე საუბრისას განაცხადა.

მისი თქმით, პანკისის ხეობასთან მიმართებაში სიფრთხილეა გამოსაჩენი.

„პირველ რიგში გამოჩნდა, რომ იყო საკმაოდ მოუმზადებელი და გაუაზრებელი ნაბიჯები, რაც იქ გადაიდგა. ვიცით, რომ ეს არის ძალიან მნიშვნელოვანი რეგიონი და ვიცით, რომ განსაკუთრებული სიფრთხილეა გამოსაჩენი, როცა საკითხი პანკისს ეხება. დეტალურად არის შესასწავლი პოლიციის ქმედებები, მიუხედავად იმისა, რომ დაზიანდა არაერთი პოლიციელი, ასევე უნდა გაანალიზდეს რამდენად იყო ის ძალა პროპორციული, რომელიც პოლიციელებმა გამოიყენეს“, - განაცხადა ტუღუშმა.

შეგახსენებთ, რომ 21 აპრილს, პანკისის ხეობაში მომხდარი დაპირისპირების შედეგად, ჯამში, სამედიცინო დახმარება გაეწია 55 ადამიანს, მათ შორის 38 პოლიციელს და 17 მოქალაქეს.

მომხდარზე გამოძიება საქართველოს სისხლის სამართლის კოდექსის 353-ე პრიმა და 187-ე მუხლებით დაიწყო, რაც პოლიციელზე თავდასხმას და ცეცხლის წაკიდებით ნივთის დაზიანებას გულისხმობს.

ნანა ჩაჩუა - ისეთ ცნებებთან და გრძნობებთან, როგორიცაა  სამშობლო და ღმერთი, პოლიტიკოსები ჯამბაზობენ და ამ მგრძნობიარე ინსტრუმენტებით ჯამბაზებივით ცდილობენ მანიპულირებას
ქართული პრესის მიმოხილვა 14.10.2019
ზაზა ფირალიშვილი - არჩევნებამდე ერთი წლით ადრე შიდა პოლიტიკაში ვითარება რთულია ხელისუფლებისათვის და არანაკლებად რთულია ოპოზიციისათვის