ბოლო დროს პერსონალური მონაცემების მოპარვის ფაქტები გახშირებულია, - განაცხადა ეროვნული ბანკის ვიცე-პრეზიდენტმა პაპუნა ლეჟავამ. მან მოსახლეობას მოუწოდა, აღნიშნული კუთხით სიფრთხილე გამოიჩინონ და არ განათავსოს პირადი ინფორმაცია ინტერნეტსივრცეში.

„მინდა გავაფრთხილო მოსახლეობა, რომ პერსონალურ მონაცემთა დაცვის კუთხით რისკები საკმაოდ გაზრდილია. ბოლო დროს გახშირებულია პერსონალური მონაცემების მოპარვის ფაქტები, განსაკუთრებით სოციალური მედიის საშუალებით. მინდა მოსახლეობა გავაფრთხილო, თქვენ ხართ პირველი თავდაცვის მექანიზმი საკუთარი ინფორმაციის დაცვისთვის და გთხოვთ ყურადღება მიაქციოთ, როცა შეგყავთ თქვენი პირადი მონაცემები სხვადასხვა ვებგვერდზე. რაც შეეხება მემორანდუმს, დიდი ხანია ვთანამშრომლობთ ამ მიმართულებით. ეს მოიცავს მთლიანად საფინანსო სექტორის შესაბამისობაში მოყვანას პერსონალურ მონაცემთა დაცვის კანონმდებლობასთან. ამ კუთხით დიდი ხარვეზები არ გვაქვს საბანკო სექტორში, თუმცა, მემორანდუმი კიდევ უფრო მაღალ დონეზე გადაიყვანს ამ კანონთან შესაბამისობას საბანკო და საფინანსო სექტორს", - განაცხადა ეროვნული ბანკის ვიცე-პრეზიდენტმა პაპუნა ლეჟავამ.