ნათია თურნავამ ყაზახეთში მოღვაწე ქართველ ბიზნესმენებს საჯარო და კერძო სექტორს შორის პარტნიორობის მოდელი გააცნო

ყაზახეთში ვიზიტის ფარგლებში, ეკონომიკისა და მდგრადი განვითარების მინისტრი ნათია თურნავა ყაზახეთში მოღვაწე ქართველ ბიზნესმენებს შეხვდა.

როგორც „ინტერპრესნიუსს“ ეკონომიკისა და მდგრადი განვითარების სამინისტროდან აცნობეს, შეხვედრაზე განხილული იყო საქართველო - ყაზახეთის ბიზნეს კავშირები, ორმხრივი თანამშრომლობის პრიორიტეტული მიმართულებები, საქართველოში ყაზახური ინვესტიციებისა გაზრდის და ყაზახეთის ბაზარზე საქართველოში წარმოებული პროდუქციის ექსპორტის გაფართოების შესაძლებლობები, შეხვედრის მონაწილე ბიზნესმენებმა, რომლებიც წარმოადგენდნენ საბანკო - საფინანსო, სოფლის მეურნეობის, სამშენებლო, უძრავი ქონებისა და სხვა სექტორებს, გამოხატეს ინტერესი, ინვესტიცია განახორციელონ საქართველოში და ხელი შეუწყონ მის განვითარებას, გარდა ამისა, ყურადღება გამახვილდა ქართულ - ყაზახური კავშირების კიდევ უფრო გამყარების პროცესში ყაზახეთში ქართული ბიზნეს დიასპორის აქტიურ ჩართულობაზე.

უწყების ინფორმაციით, საუბარი წარიმართა ყახაზეთში ქართული კულტურის ცენტრის ამოქმედების შესაძლებლობაზე, სადაც ადგილობრივი მომხმარებელი შეძლებს არა მხოლოდ გაეცნოს საქართველოს კულტურას, არამედ მეტი ინფორმაცია მიიღოს საქართველოში წარმოებულ პროდუქციაზე, მათ შორის, ქართული ღვინის იმ სახეობებზე, რომლებიც ყაზახეთში ნაკლებადაა ცნობილი, ასევე სხვა სახის სასურსათო პროდუქციაზე.

ასევე ყურადღება გამახვილდა ყაზახეთში ქართული ბიზნეს დიასპორის ჩართულობის გაზრდაზე საქართველოს სატრანსპორტო - ლოგისტიკური ინფრასტრუქტურის მშენებლობის, სამედიცინო ცენტრების, ტურისტული ობიექტებისა და სასტუმრო კომპლექსების მიმართულებით. ამ მხრივ, ბიზნესმენთა დიდი დაინტერესება გამოიწვია კანონმა „საჯარო კერძო პარტნიორობის შესახებ“, რომელიც საქართველოში რამდენიმე თვის წინ ამოქმედდა.

შეხვედრას ასევე დაესწრნენ საგარეო საქმეთა მინისტრის მოადგილე ალექსანდრე ხვთისიაშვილი, საპარტნიორო ფონდის აღმასრულებელი დირექტორი დავით საგანელიძე, ეკონომიკისა და მდგრადი განვითარების სამინისტროს სსიპ ქონების ეროვნული სააგენტოს თავმჯდომარე გიორგი დუგლაძე და საქართველოს ელჩი ყაზახეთში ზურაბ აბაშიძე.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა