დუშეთის მუნიციპალიტეტი უკრაინულ ეთნოგამოფენას მასპინძლობს

დღეს, უკრაინის საელჩოს, დუშეთის მუნიციპალიტეტის მერიისა და საქართველოს ქალთა საბჭოს ორგანიზებით, ილია ზაქაიძის სახელობის დუშეთის კულტურის სახლში გაიხსნა ეთნოგამოფენა ''უკრაინის ბავშვები, ტრადიციები და თანამედროვეობა.“

გავრცელებული ინფორმაციით, გამოფენაში მონაწილეობენ უკრაინის სამხედრო კონფლიქტების მონაწილე მეომართა შვილები, რომლებიც ფოტოებში ჩაცმულნი არიან უძველესი ეთნიკური სიმბოლიკის მატარებელ, ტრადიციულ უკრაინულ სამოსში და გამოხატავენ ქვეყნის მომავალს.

უკრაინის საელჩოს პირველი მდივნის, ტატიანა კოვპაკის თქმით, ეთნო-გამოფენას პაციფისტური მიზნები აქვს და მისი დევიზია: „არა ომს, ჩვენ მშვიდობა გვინდა!“.

საქველმოქმედო საზოგადოების ''ჩემი მამა იცავს უკრაინას'' ინიციატივით, აღნიშნული გამოფენა უკვე ჩატარდა ქალაქ ოდესასა და ლვოვში, ხოლო დღეიდან ერთი კვირის განმავლობაში მას დუშეთი უმასპინძლებს.

ამასთან, საღამო ქართული ეროვნული ცეკვებით გააფორმეს ანსამბლ „შადიანის“ მოცეკვავეებმა, რომელთაც პრეზენტაციის დასასრულს უკრაინის საელჩოს წარმომადგენლებისგან სიმბოლური სააღდგომო საჩუქრები გადაეცათ

გამოფენას ადგილობრივ საზოგადოებასთან და საელჩოს წარმომადგენლებთან ერთად ესწრებოდნენ: დუშეთის მუნიციპალიტეტის მერის მოადგილე თამაზ უნდილაშვილი, მერიის განათლების, კულტურის, სპორტისა და ახალგაზრდობის საქმეთა სამსახურის უფროსი ქეთო წიკლაური და დუშეთის ლიეტუვურ - ქართული კულტურის ცენტრის ხელმძღვანელი ირმა ჯანგირაშვილი.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა