პირველ რიგში, ეთიკის ნორმები უნდა დაიცვას პარლამენტის თავმჯდომარემ, რომელიც ყველაზე ხშირად არღვევს ეთიკას, - ამის შესახებ დეპუტატმა ეკა ბესელიამ ჟურნალისტებს განუცხადა. მისი თქმით, თუკი შეიქმნება არაეთიკური ქცევისთვის დასჯის პრეცედენტი, ეთიკის საბჭოს აზრი ექნება.
„დამოუკიდებელ დეპუტატთა რაოდენობა დღეს არის ათი. ამიტომ, მათ კვოტა ეკუთვნით არა ერთი, არამედ ორი. დეპუტატები სახელობითად ამის შემდეგ განისაზღვრება. ძალიან მნიშვნელოვანი იქნება, რომ ამ პარლამენტში ეთიკური სტანდარტები დამკვიდრდეს. პირველ რიგში, ეთიკის ნორმები უნდა დაიცვას პარლამენტის თავმჯდომარემ, რომელიც ყველაზე ხშირად არღვევს ხოლმე ეთიკას. პირდაპირ ჩაიწერა ახალ ცვლილებებში, რომ პარლამენტის თავმჯდომარე სამართლიანად და მიუკერძოებლად წარმართავს სხდომებს. მე მგონია, რომ არაეთიკური ქმედებების დასჯის და რეაგირების პრეცედენტი თუ შეიქმნება, აზრი ექნება ეთიკის საბჭოს," - აღნიშნა ბესელიამ.