გარემოს დაცვისა და სოფლის მეურნეობის სამინისტოს, ეროვნულ საშენ მეურნეობას საგანმანათლებლო დაწესებულება “ლოგიკმეტრის“ სკოლის მოსწავლეები სტუმრობდნენ. ამის შესახებ „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს.
მათი ინფორმაციით, მოსწავლეებმა „წითელი ნუსხის”, სატყეო და ურბანული სახეობის მცენარეეთა პლანტაციები დაათვალიერეს. მეურნეობის დირექტორმა, რევაზ ბეჟაშვილმა მოსწავლეების მწვანე გაკვეთილები ჩაუტარა მენერგეობისა და ხე-მცენარეთა გამოყვანის ტექნოლოგიების შესახებ. თეორიული ცოდნის მიღების შემდეგ, მათ თვითონვე დააკალმეს და დათესეს მცენარეები, რითაც მიიღეს პრაქტიკული გამოცდილებაც.